உடைஞ்ச கண்ணாடி

எனது எதிர்பார்ப்புகளில் 

என்றும் ஏமாற்றாதது 

ஏமாற்றம் மட்டுமே 

என் கனவுகளில் 

வரும் காட்சிகளனைத்தும் 

நானே இயற்றியது 

எனது பகலுக்கும் 

எனது இரவுக்கும் 

நானே சூரியன் 

எனது கேள்விகள் 

எனது பதில்கள் 

மதிப்பெண் பூஜ்ஜியம் 

எனது காயங்கள் 

எனது வலி, தெரியும் 

எனக்கு மட்டும் 

ஆச்சரியங்களும், அதிசயங்களும் 

ஒரு வகையில் ஏமாற்றங்களே 

எதிர்பாராமல் நடப்பதால்

இடியாப்பம்

தேவையானவை :

அரிசி மாவு - 2 கப்
தண்ணீர் - 2 1/2 கப்
எண்ணெய் - 1 ஸ்பூன்
உப்பு - தேவையான அளவு

தேங்காய் துருவல் - 1 கப்
சர்கரை - தேவையான அளவு

செய்முறை :

அரிசி மாவுடன் உப்பை சேர்த்து ஒரு பத்திரத்தில் களக்கவும்.  இன்னொரு பத்திரத்தில் தண்ணீர் ஊற்றி, எண்ணையும் சேர்த்து கொதிக்க வைக்க வேண்டும், முதல் குமிழ் வந்ததும் அடுப்பிலிருந்து இறக்கி, மாவில் ஊற்றி  நன்றாக கலக்கவும், வெறும் கைகளால் முடியாது, சுடும்.   பிறகு அச்சில் இட்டு இட்லி தட்டில் எண்ணெய் தடவி பிழிந்து விடவும். இட்லி குக்கரில் வைத்து பத்து நிமிடம் கழித்து  இறக்கவும்.

தேங்காய் துருவளில் சர்க்கரை சேர்த்து வைத்து கொள்ளவும்.  இடியாப்பத்தின் மேல் தூவி பரிமாறவும்.

கொக்கு

மீனுக்காக காத்திருக்கும் 

கொக்கு போல 

காத்திருக்கிறேன் நானும் 

ஒத்த கால்ல 

காலுக்கிடையில் ஓடும் மீன 

கொத்தினா ஓடிடுமுன்னு 

கொத்தாத கொக்கு போல 

கண்ணெதிரே நிக்கும் 

உன்கிட்ட, சொல்லாம 

விட்டேன் என் காதல 

பசி மட்டும் அடங்கவே இல்லை 

கொக்குக்கும் எனக்கும் .